| |||||||||||||||||||||||||||||||||||||||||||||||||||||||||||||||||||||||||||||||||||||||||||
|
Fredi "Leben mit Trisomie 21 in der Seitenblicke-Gesellschaft. Tu Gutes und sprich darüber!" Er wår schon immer aunders wia die aundern liab'n Kinder in der Stådt. Daham wår er da Fredi doch die Kinder haum gaunz aunders zu eahm g'sågt. Und kaner hod verstaund'n, wås er wirklich wü Des Leb'n, des is gaunz aunders mit an Chromosom zu vü. Und später haums eahm o'gschob'n, wia's so üblich is bei uns, ins Altersheim Nur maunchmoi hod er Ausgang kriagt zum Erpfeklaubn und zum Heck'nschneidn. Und irgendwaunn wor då a unbegründeter Verdåcht Dass er vielleicht mit Kindern etwås Unaunständiges måcht. Doch heut' is da Fredi im Fernseh'n Und rundherum wichtige Leit', Die såg'n, dass den Fredi so gern seh'n Darum måchts die Brieftåsch'n weid Und mochts euch zum Spenden bereit! Sie klopfn eahm auf d'Schultern doch nur kurz, es is ka Zeid mehr zu verliarn Fürs Wohltätigkeits-Essen, durt kaunnst fressen und ma braucht si ned genieren. Beim kollektiven Festival der Barmherzigkeit Då is ma gern dabei, denn "Seitenblicke" san net weit. Events im Sinn der Menschlichkeit die san in feinen Kreisen sehr beliebt Die Kassa is aus Plexiglas, damit a jeder siacht, wie vü ma gibt Und hint' im letzten Winkel steht der Fredi gaunz verlorn Der Grund, warum er do is, is zur Nebensåche word'n. Doch heut' is da Fredi im Fernseh'n Und rundherum wichtige Leit',.... Da Fredi is unser schlechts G'wissn Des uns a Lebn laung quölt Drum woimas a wirklich net wiss'n Wia's eahm geht, wås er braucht, wås eahm föhlt Wir regeln des liaber mi'n Göd. Und jetzt is im Fernsehen wås aunders Der Fredi is längst wieder weg Er wår nur gaunz kurz etwos B'sonders Aber jetzt is er wieder im Eck' Er wår doch nur Mittel zum Zweck. | |||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||