| |||||||||||||||||||||||||||||||||||||||||||||||||||||||||||||||||||||||||||||||||||||||||||
Reaktionär (3:06) Es kummt olle poar Johr vor, dass i di amoi siach Du host di gor ned verändert, Du bist immer nu schiach Dei Pullover is dreckig, owa alternativ I waß nie, wos'd grod hackelst, waun i di triff'. Und du wüst mir sogn, dass i a Gfaungener bin Vor oll'm von mein' Göd, des i leider verdien' Und daun schnorrst da a Trangl vo mir und nu zwa Du muaßt nu ned ham, bist grod wieder alla Du host kane Kinder, owa ned wengan Göd In Zeit'n wia diesen setzt ma kane in d'Wöd. Fohrst ned söwa mi'n Auto, du host gor kan Schein Du wüst ned die Möch-Kuah der Öl-Lobby sein. A Haus und an Garten, des brauchst du doch nie Des san bloß Symbole der Bourgeoisie Und dass du des net wirklich wüst, soll i dir glaubm Des kummt mir so vor Wia beim Fuchs und den Traub'n. Du hearst nur Liadln von domois, trogst die gleiche Frisur Rauchst nu immer den Mist, du lernst nix mehr dazua Schlofst im Zöt aum Musikfest, nur durt fühlst di frei Singst "Don't poke out the joint", Kummst dir guat vor dabei. Du host di gedaunklich, grod host as belegt Die letztn dreiß'g Johr kan Millimeter bewegt Und jetzt mecht i bloß wissn von dir, bitte sehr Wer is von uns zwa wirklich reaktionär? Wer is von uns zwa wirklich reaktionär? | |||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||